Samtýningur úr ísskápnum sem varð að þessum dásamlega fiskrétti. Ég átti þorskbita í frosti og langaði í eitthvað ótrúlega gott.
Hráefnin sem ég notaði:
Þorskur
Paprika
Laukur
Rjómi
Villisveppaostur
Rifinn ostur
Saxa niður papriku og lauk og steiki á pönnu. Smá hvítlauksduft og reykt paprikukrydd yfir.
Næst helli ég rjóma yfir og ríf niður smá villisveppaost út í. Leyfi þessu að malla þar til hefur þykknað aðeins.
Sósunni er síðan hellt yfir fiskinn og rifinn ostur ofan á. Inn í ofn í 20 mín. á 180°.
Meðlætið var að þessu sinni kartöflubátar steiktir á pönnu og kryddaðir með paprikukryddi og chilipipar.
Verði ykkur að góðu ♡
uglur.is 