Ólífumauk er að mínu mati ótrúlega gott meðlæti með mat eða fyrir mat. Mér finnst best að setja það ofan á snittubrauð og borða það sem smá snarl eða hef það með mat. Algjört smekksatriði að sjálfsögðu hvernig menn kjósa að nota það.
Hér kemur uppskrift af ólífumauk sem ég geri reglulega heima. Það er einfalt og fljótlegt og þarf ekki mörg hráefni í það.
Ólífumauk
1 krukka steinlausar ólífur (grænar)
3-4 tsk sólþurrkaðir tómatar
1-2 hvítlauksgeirar
1 msk virgin ólífuolía
1/2 msk balsamik edik
Öllu hráefninu er blandað saman í matvinnsluvél og maukað. Það er smekksatriði hversu fínt eða gróft maukið er. Það er líka hægt að saxa ólífurnar, tómatana og hvítlaukinn handvirkt og blanda svo öllu saman ef menn kjósa að mauka gróft.
Svo er bara að velja sér gott brauð og njóta. Maukið er einnig tilvalið út á pasta.
uglur.is 