Annað · Barnið · Dýrin

Hundur, fjölskylda eða ekki?

Ég myndi aldrei geta ímyndað mér annað en að barnið mitt alist upp með dýrum. Að fylgjast með Gabriel Birni og Karma saman er yndislegt, að sjá sambandið þeirra þróast. Á kvöldin fara þau saman inní rúm, ef hann grætur kemur hún hlaupandi til að athuga með hann. Gabriel Björn hefur nánast frá því hann kom heim fylgst með henni, hann velti sér í fyrsta skipti bara til að komast nær henni. Þau geta leikið saman tímum saman og Gabriel deilir alltaf matnum sínum með henni, passar vel uppá að hún fái pottþétt líka. Það er svo gott fyrir börn að læra strax hvernig á að koma fram við dýr, hvað má og hvað má ekki. Auðvitað koma tímar þar sem hún nennir honum enganvegin og hann er alveg óþolandi en þá er hún búin að læra það að fara þar sem hún fær frið.

Karma er risa stór partur af fjölskyldunni okkar og Gabriel Björn er ótrúlega heppinn að eiga stóra systur sem passar uppá hann, hvort sem hún er fjórfætt og loðin eða ekki. Ég fékk oft spurningu þegar ég var ólétt hvort við myndum nú ekki losa okkar við hana þegar barnið fæddist og þess háttar, afhverju ættum við að gera það? Ég geri mér grein fyrir því að hundur og barn eru tveir mjög ólíkir samt ekki svo ólíkir hlutir, ég ber ábyrgð á þeim báðum. Að eiga hund og dýr yfir höfuð er ábyrgð sem þú ert að taka á þig, þú þarft að hugsa um dýrið þitt, ábyrgðin er að sjálfssögðu mismunandi eftir dýrinu sem þú færð þér. Að eiga hund er hellings ábyrgð. Mér finnst mjög mikilvægt að minna fólk á það en það er efni í heilt blogg.

image2

Ég lenti í samtali fyrir ekki svo löngu um það hvort hundar væru partur af fjölskyldunni eða bara hlutur í henni. Að sjálfssögðu er Karma partur af fjölskyldunni okkar, en auðvitað líta ekki allir á það svoleiðis en mér finnst ótrúlega leiðinlegt þegar að fólk getur ekki virt það við mig hvernig ég lít á hundinn minn. Á eftir fylgir oftar en ekki spurningin hvort ég elski ekki barnið mitt meira en hundin? Svarið er einfalt ég elska þau á mismunandi hátt! Þú berð mismunandi tilfiningar til allra í lífinu þínu og þú berð ekki saman tilfiningarnar þínar við barnið þitt og foreldra þína, það er bara ómögulegt að gera! Virtu bara fjölskyldu annara hvernig sem hún stendur.

image4

Ég gæti ekki ýmindað mér lífið án Karma minnar, hún er svo ótrúlegur karakter og yndisleg í alla staði. Hún er alveg einstök og elskar fátt meira en mat. Litla fjölskyldan okkar væri ekki eins ef við ættum ekki hana Karma. Ég hlakka svo til þess að fylgjast með vinasambandi Gabriels og Karma stækka og þroskast. Það verður sennilega aldrei róleg stund í kringum þau tvö og margt brallað saman!

Auður Birna

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s